غزاله شارده..بقلم الاستاذ / ابراهيم الغنيمي | مجلة بيت الأدباء والشعراء

غزاله شارده..بقلم الاستاذ / ابراهيم الغنيمي

في 2:06:00 م التسميات: عامية مرسلة بواسطة مجلة الأدباء والشعراء العرب

غزاله شارده

هو

يا غزالة شاردة ومفيش كيفك ---- تصحي القلب وتسر العين

جمالك مالو زي وطيفك -------------- وروود وريحان وياسمين

ساعة ماشوفتك انبهرت ------------- دي خدوود ولا تفاحتين

وفي مكاني اتمسمرت --------------- وادور علي نفسي فين

قلبتي حالي واحوالي ----------- ولا عارف الشمال من اليمين

وحيرتي قلبي وبالي ---------------- بيكي مشغول من يومين

يا قمر ماشي علي الأرض -------------- يتمتختر بين الملايين

ازاي اشوف منك رد ------------------ و انا كلي عشق وحنيين

كوكبك كوكب تاني ----------------------- وانا علي علم ويقين

ان قلبك مش خالي ---------------- ولو خالي هتقولي وبعدين

هي

روح ياواد لأمك ------------------------------------ انت تطلع مين

قبل ما مشي هغمك ------------------- ومش انت الواد الزين

دور علي حد من ثوبك ---------------- انا اهلي ناس معلمين

لا هما زيك ولا لونك ------------------ ولا علي ودانهم نايمين

امشي يا شاطر في طريقك --------- وشوف بتدور علي مين

يمكن تلاقي نصيبك ---------------- من نفس الطين والعجين

انا مخطوبة وحبيبي ----------- ساكن في القلب من سنيين

مش انت يا بابا اللي نصيبي --------------- وانا ست الحلوين

ياغزالة شاردة ومفيش كيفك ----- تصحي القلب وتسر العين

كلمات / ابراهيم الغنيمي

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

إذا أعجبك الموضوع ،شاركه مع أصدقائك

0 التعليقات:

إظهار التعليقات

:))Blogger ;)) ;;) :DBlogger ;) :p :(( :) :(Smiley =(( =)) :-* :x b-(:-t8-}

جميع الردود تعبّر عن رأي كاتبيها فقط. حريّة النقد والرد متاحة لجميع الزوار بشرط أن لا يكون الرد خارج نطاق الموضوع وأن يكون خال من الكلمات البذيئة. تذكّر قول الله عز وجل (مَا يَلْفِظُ مِن قَوْلٍ إِلاَّ لَدَيْهِ رَقِيبٌ عَتِيد).