دعوة للحب
محمد صبحى عمران
محمد صبحى عمران
القلب مات والعقل تاه
والحزن ساد كل الحياه
والدموع سالت بحور يا ألف أه...
والهم زاد مالى الحياة كل اتجاه
والألم أصبح مرار والعقل طار وبدون رجوع
والدم سال بالبلد أصبح بحور
وبدون كلام وبدون رجوع سكنوا القبور
وانكشف عنا الستار
شوف كام شهيد من الجنود
من غير حدود انتهوا من الحياة
يا ألف أه ع الشباب لما يموت
من غير كلام بل بالسكوت
والصمت ساد كل المكان
لكم جنان
أموت وأعرف زنبكم
ليه قتلكم يا أهل الثبات
مكتوب هناك فوق قبركم
فض اشتباك حتى الممات
أنت الشهيد
رايح تدافع عن وطن ضد الهلاك
الله و أكبر يابلد جندك ومات
جندك حماك وانقتل جندك ملاك
واجب عليك يا وطن تعمل حداد
وتزيد حساب ال قتل من العذاب
عمر مكان طبعك كدا صفق الدماء
يا أرض طاهرة وكرمك رب السماء
يا قوة ثابتة وحطمت كل الغزاه
متقولوا ليه الظلم دا ياشعب ليه
لية بنقتل بعضنا دا كله ليه
علشان كراسى وسلطنه وعز وجاه
و أفكار غريبة عننا تنهى الحياة
والغرب يهدر دمنا يا ألف أه
يامصرى فوق لربنا بتقتل أخوك
بناكلوا فى لحم بعضنا ابن أمك وأبوك
ليه أخونوك ليه غيروك عن فكرنا وعاشق تموت
علشان تهدم مصرنا وتقتل أخوك
والغرب يرضى عنكم ويكون سكوت
وقوة جيشنا وعزمنا يرضيك تموت
شوف عراقنا قبلنا وافهم وفوق
ولا دولار وسلطته راح له بريق
وأصبح رفيق للحاقدين من ارضنا ويكون هلاك
صحصح وفوق راجع ضميرك عود للثبات
وبلاش هلاك للوطن خليك أمين
المال يغور وحبنا للوطن حب امتلاك
دا مصر هى أرضنا وهى الملاك يا أهل الثبات
وبلاش غرور وبلاش ممات
يالا نوحد صفنا ونقول سماح
توصل رسالة مننا ونقول كفاح
ب ادينا نبنى مصرنا زينة الملاح
والغرب يغرق عننا حى على الفلاح
الله وأكبر يا وطن انت الكفاح
ايدى فى ايدك نبتدى مصر الجديد
وتكون حديد فيها نحب بعضنا وروح الشهيد
تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا
:))
;))
;;)
:D
;)
:p
:((
:)
:(
=((
=))
:-*
:x
b-(
:-t
8-}
0 التعليقات: