الجيش...بقلم الاستاذ/ طارق فوزي في 4:37:00 م مرسلة بواسطة مجلة الأدباء والشعراء العرب

الجيش

بقلم / طارق فوزي

ان كنت متعرفش أنت وهو يعني أيه جيش
ابقى تعالى وأنا أقولك وأفهمك بشويش
جيش يعني ضبط وربط مش فوضى وطيش
جيش يعني قيادة يعني ريادة وغيره مفيش
يعني فكر وعلم وتكتيك مش تنجيم درويش
ولا ماشية معاه بضربة حظ ولا شيش بيش
يعني حامي حمى مصر من اسوان للعريش
وكل شبر في مصر عليه منه بصمة وافيش
اصغر قائد فيه يقود جيش ولا صقر قريش
جيش يعني رجالة أبطال مش شوية دراويش
تعرف يعني ايه عسكري وامباشا وشاويش
يعني أسد وقت الشدة وللظلم ابدا ما يطاطيش
فما بالك بلواء وفريق يهدوا دنيا وماتتبنيش
وقت الحرب ياكلوا حجارة ويلبسوا حتة خيش
عضم العدا مزاج ليهم يقرقشوه كما القراقيش
ودم الأعادي هههه بيعملوه لبيادتهم ورنيش
ولو مصر قالت آه من شوية لصوص وحرافيش
أو غدر لابد جواها في الضلمة زي الخفافيش
جيشها يترمي في حضنها ويقولها متخافيش
أفديكِ يا أمي لو معرفتش أموت أحسن ما أعيش
تعيش لنا دايما يا جيش مصر ان شالله تعيش

تنبيه : المرجوا عدم نسخ الموضوع بدون ذكر مصدره المرفق بالرابط المباشر للموضوع الأصلي وإسم المدونة وشكرا

abuiyad